CABAYS.COM
MARKA QOF DAN GAARA LIHI HINDHISO, MAAHA IN SOMALILAND HARGAB WADA QAADDO.
December 28, 2016 - Written by Cabays

MARKA QOF DAN GAARA LIHI HINDHISO, MAAHA IN SOMALILAND HARGAB WADA QAADDO.

(RASHEED ALI MEIGAG SAMATER)

BERYAHAN DAMBE WAXA AAD U SOO KORDHAYA IN HADALLO AAN MUDNAYN, OO AAD U QALLAFSAN AADNA U XANAF BADAN, AMABA HADALLO AAN DHEGAHA MUWAADINIINTA IYO KUWA CIDDII NASTEEX INOO AH MIDNA JECLAYSAN KARIN, LA ISU MARINAYO SAXAAFADDA. HADALLO BERYAHAN DAMBE JIREY QAARKOOD AYAA SABABI KARA AMMAAN DARRO GUDEHEENNA AH, KHAASATAN KUWA ABBAARAYA BEEL GAARA AMA QABIILO GAAR AH, TAASOO SHAKI IYO ISNACAYB KU KEENI KARA SHACBIGEENNA WALAALAHA AH, KHATARNA KU NOQON KARTA NABADDEENNA EEBBE MAHADI HA KA GAADHEE.

QORMADAN WAXA IGU KELLIFAY – TALO SOO JEEDIN, KADIB MARKAAN ARKAY LABA DHACDO OO AAN MIISAAN BADAN MUDNAYN OO DHOWAAN INA SOO MARAY – IYO SIDA XISBIYADA QARANKA IYO MADAXDEENU U WAAJAHEEN.

TA HORE, FAL DEMBIYEED ASHKHAAS TIRSANI U GEYSTEEN MUWAADINIIN KALE, GOOR HABEENNIMO AH, (XISBIGAY DOONAAN HAKALA TAAGEERSANAADEEN- KUWA FALKA GEYSTEY IYO KUWA LOO GEESTAYBA), AYAA LOO TIRIYAY

DUSHANA LOO SAARAY IN FALKAAS AY ABAABULEEN XISBI QARAN IYO HOGGAAMIYE XISBI QARAN- WELIBANA LA GAADHSIIYAY IN XISBIGAASI RABO DAGAAL SOKEEYE OO KA DHACA SOMALILAND. ARRINTAAS IN SIDAA LOO WAAJAHO WAXAY IILA MUUQATAA SIFO KA BAXSAN ANSHAXA SIYAASADDA, CEEBNA KU AH QARANKA SOMALILAND GUUD AHAAN, WAAYO XISBIYADA QARANKU MAAHA MADAXDA ISU MUUQATA EE WAA UMMADDA TAAGEERTA XISBIGA OO DHAN KUWASOO KA KOOBAN SHACABI WEYNE MUWADDANIIN AH, EEDAYNTAASINA MA QABATO HADDAAN CADDAYNI WEHELIN.

DHACDADA LABAAD WAA QOF AMA KOOX SOMALILAND CADOW KU AH, OO WELGOODBA KA BEEN ABUURI JIREY SOMALILAND, OO DHOWAAN KU FAAFIYAY WEBSAYDYO AY IYAGU ISKA LEEYIHIIN – SAWIRRO NAB-NAB AH, IYAGOO KU ANDACOONAYA IN MADAXDA XISBI QARAN EE OO UU HORKACAYO GUDDOOMIYAHAHA GOLAHA WAKIILLADU AY LA KULMEEN MADAXDA SOMALIA- XISBIGA IYO DADKIISUNA KHIYAAMO LA RABAAN QARANKAN SOMALILAND. HADDABA ARRINKAAS OO KALE INAY QAATAAN AMA LIQAAN MADAXDA LABADA XISBI QARAN EE KALE OO IYAGOO KU DURAYA MADAXDA XISBIGAASI AY SAXAAFADDA ISLA SOO TAAGAAN EEDAYN NOCAAS AHI, MA QABATO XISBIGA, TAAGEERAYAASHIISA IYO QARANKA SOMALILAND MIDNA, WAXAYNA SIDII DHACDADA KOR KU XUSAN OO KALE CEEB IYO KALSOONI DARRO KU TAHAY QARANKA SOMALILAND GUUD AHAAN.

WAA IN XISBIYADU OGAADAAN IN LOOLLANKOODA SIYAASADEED AHAADO MID AAN QARANIMADA SOMALILAND CEEB IYO WAXYEELLO MIDNA U GEYSANAYN, MANA AHA IN XISBIYADU INOO TUSAAN- MARKII DOORASHO SOO DHOWAATOBA IN LOOLLANKA SIYAASADDU LUMIYO XAKAMAHA, MARKASTOO OLOLE WAQTIGIISA LA GAADHANA, AYNU KA FILANNO IN XISBIYADU DABARKA IYO SEETADABA GOOSTAAN, ANSHAXA IYO ASLUUBTANA LAGA TAGO, TARTANKA IYO LOOLLANKA DOORASHADUNA NOQDO MID QARANIMADA WAXYEELLO KU KEENI KARA.

WAXAN HADDABA TALO KU SOO SOO JEEDINAYAA:

* IN RAG IYO DUMAR CIDDII U IDMAN KU- HADLAKA MAGACA XISBIYADA (AMA XUKUUMADDUBA) AANAY NOQON AFKAA FURAN, EE AY LEEYIHIIN GUDDI-HOOSAADYO MIISAAMA HADLKA BAXAY, DEGDEGNA U SAXA MARKII KHALAD JIRO.

* IN MADAXDA XISBIYADU YEESHAAN DAD U GAAR AH DIYAARINTA KHUDBADOHODA, AMA WARARKA KA TEGAYA, KUWASOO ILAALIYA KARAAMADA QOFKA MADAXDA AH, ISLA MARKAANA KOR U QAADA SAWIRKA SUUBBAN IYO SIDA UGU HABBOON EE BULSHADU U ARAGTO SHAKHSIYADDA CIDDA KOLBA MADAXDA AH. (SPEECH & POSITIVE IMAGE COORDINATORS).

* IN DHALLEECAYNTA IYO FADEEXADAYNTA SHAKHSI DUMISKA AH EE MADAXDA LAGA DHIGO FAL DEMBIYEED, OO GARSOORKA GAADHI KARTA HADDII AAN CADDAYMO CAD LA ADEEGSAN. WAA INAAN LAGU XAD-GUDBIN XASSAANADDA MADAXDA IYO XUQUUQDA MUWAADINKA MIDNA, LOOLLANKA DOORASHADUNA YAANU NOQONIN MID IS-GAWRAC AH, AMA XADHKA-GOYS AH, OO JAANTAA-ROGAN AH XATAA – HADDII QARANIMADA WAX LOOGU DHIMAYO

* IN HAYDDA DOORASHOOYINKA QARANKA EE XUKUUMADU IGMATAY, MAR WALBA LA SOCOTO XAALADAHA JIRA, SUURTO-GELISO, DHEXNA U AHAATO TARTAN XALAAL AH OO DHEX MARA XISBIYADA QARANKA. DULQAADNA WAA IN AANAY MARNABA U YEELANIN WIXII QADAF AH EE BAALMARSAN SHARCIYADDA IYO ANSHAXA SUUBBAN EE DOORASHADA.

* UGU DAMBAYNNA, SHACBIGOO DHAMMI WAA WADA TAAGEERE XISBI, FALKA DEMBI EE QOF AMA KOOX TAAGERAYAAL CAADI IHI GEYSTAANNA WAA MID SHAKHSI AH EE MAAHA FAL XISBI QARAN, (XISBIYADUNA WAA INAY DAYRIYAAN FALKAAS), HAYDAHA SHARCIGA AYAANA U IDMAN WAX-KA-QABASHADA CIDDII DEMBIGA GEYSATAY.

GEBOGEBADIINNA, WAXA MARAG MA DOONTA AH – IN SOMALILAND LEEDAHAY CADAW TIRO BADAN, OO JECEL IN HAD IYO GOOR DHIB LAGA SOO WERIYO, MARAR

BADANNA ABAABULA FALAL AAN MUDNAYN INAY CIDIBA TIX-GELISO SIDA KUWA AYNU KOR KU XUSANAY, AMA SIDA MUDDO DHOWAYDBA DADKAAS CADOWGA IHI SOO QOREEN- INAY KA HELEEN DAWLADO REER GALBEED CADDAYMO AY KU SHEEGAYAAN IN SOMALILAND TAHAY HOYGA LAGA SOO ABAABULO ARGAGIXISADA RAGAADISAY SOMALIA IYO GEESKA AFRKABA. BEENTAAS CADDI MAY HELIN CID TIX-GELISA AMA CODKOODABA KOR U QAADDA – SOMALIA IYO DAWLAD KALE TOONA MA SOO QAADIN BEEN-ABUURKAAS. HADDABA IN DADKA NOOCAAS AH, HINDHISADOODA, AYNU HARGAB KA WADA QAADNO, OO MADAXDEENNA SHARAFTA MUDAN IYO XISBIYADEENNA QARANKU BAAHIYE U NOQDAAN- WAA SIDII CADAWGU INNALA RABAY QARANK IYO DAWLADNIMADANA DHAAWAC BAY KU TAHAY.

WA BILLAAHI TAWFIIQ. mayg

RASHEED ALI MAYGAG SAMATER – HOGGAAMIYAHA JAALIYADDA W. LONDON.

COMMENTS