|
|
Cabays Media ( Hargeysa- JSL) Abwaanka weyn ee Reer Somaliland, Abwaan Xasan Dhuxul Laab-saalax ayaa maanso ku cabiray dareenka ay ku dhalisay geerida maxruun Xaaji Cabdi Waraabe oo Jimcihii ku geeriyooday caasiamda JSL ee Hargeysa.
Maanada Baroor-qiiqda ah ee Abwaan Laabsaalax ka tiriyay Geerida kutimi Xaaji Cabdi Waraabe ayaa ahayd sidan:
Dhanbaalku Xumaa, Dheguhu maqlayaan
Warkiyo dhacdadiyo, Dhiiladu ba’anaa
Dhalaan iska daa, ilmadu ka Dhacdee
Haday dhagaxdiyo, dhulkuba hadlayaan-
Tiirkaa dhacaybaa, Umado Dheerayn!
Markay Dhabaqdee, Taladu Dhacantee
Nin xuni dhirta iyo, Dhufayska Galee,
Qoryaha laba dhaca’ intay dhufsadaan
Makasta dhoohani, ku dhiiran jireen
Duqii dhab ahaan, samaha u dhashee
wixii dhib yimaad, dhamayn jirayee
Nabada dhidibkiyo, salkaba u dhigaa.
aakhiro u dhurtoo, xabaal la dhigee-
Muxuu dhagar Baajay, dhiig Qulquloo
muxuu dib u dhigay, balaayo dhacdoo
si ay u dhaqdaan, dadkani u dhistaan’
dheelkiyo Qabawgiyo, Dhaxamo u maroo-
U soo Jilib dhigay, Dharaara adkaa, –
Xaqiyo Dhimashada, Adaa Dhigayoo-
Adoonka ka Dhaafa, Dunuub ka dhacdoo
Dhankaaga Adaan, Rabboow dhawrnoo
Dhamaan Gacmaan, Ku hoos Dhiganee-
Rabboow Dhaxalsi, Dhawaaqa Sanoo-
Rabboow dhibyaraan, dhexgee janadii ,
Follow